美國《財富》雜誌2010年度全球50大商界女強人，李晶（圖）榜上有名，跟住星期三《福布斯》又公佈2010年度全球100名最具權力女性排行榜，李晶就係上榜嘅4名中國女強人之一，兼為最年輕嘅20名入選者之一。華華想打電話畀佢賀一賀。點知佢嘅同事話李晶去咗公幹，會去美國同歐洲5個星期。不過，當華華準備收工，就收到李晶電郵對獲獎感言，佢先多謝摩根大通提供嘅全球性平台，跟住感激中國市場提供嘅發展空間。睇得出佢真係好了解中國文化─得獎要感激祖國。華華仲知佢手機入面有成萬二個contacts！唔怪得摩通中國投資者年會，由04年嘅100個參加者，升到最近一次2000幾個！