港股噚日出現技術調整係預期之內，但係恒指全日最低位只係22824，唔算好低，收市更加反升3點，反映市底好強，大市成交顯著縮減亦係好事。
今日A股復市，表現好壞直接影響港股今日同下禮拜嘅走勢，如果A股造好，港股有機會提前結束技術調整，突破23000關炒上。帶動後市上升嘅應該會係內銀股，資源股亦有短炒價值。
洛鉬C輪24744：洛陽鉬業（3993）噚日報收5.80元，升2.8%。股價早前跌落4.34元見底回升，噚日重上250日線水平，以大成交突破呢條長期平均線，炒上會先試7元，破位睇8元，可以諗吓隻C輪24744。隻輪現價18.3仙，2012年10月22日到期，行使價5.88元，溢價32.9%，引伸波幅57.7%，槓桿率3.2倍（有效2.1倍），正股升上8元，24744睇34.4仙，升幅約88%，正股跌穿5.20元就沽咗隻輪。
俊樺