莫文蔚跟電影《食神》中的角色火雞一樣，夠硬正。與馮德倫分手後，一直寄情工作，早前自資出唱片，由選曲、唱片封套和宣傳等均由自己計算。日前她接受訪問，被問起舊愛周星馳和馮德倫，莫文蔚即使出四両撥千斤解圍，只輕輕謂祝福二人。
為了宣傳新碟，莫文蔚最近不停接受記者訪問，話題總離不開她的戀情，除了新緋聞男友張亞東外，剛巧舊男友馮德倫與徐若瑄甜蜜遊東京被撞個正着；舊舊男友周星馳又傳出與于文鳳分手。每一個問題如針般，一針一針刺向她的舊傷口。
莫文蔚穿上華麗衣裳，掩飾一連串舊戀情和新緋聞，連內心也一併收起，手扭着頭髮忸怩不多說，只是間中報以眼色，好讓助手替她解圍。當記者發問時起初避提莫文蔚舊男友的名字，她聲線即提高說：「哎呀，你講嘢好玄喎。」轉而開門見山直接問，她即報以沒感情的笑聲回應：「哈哈，唔知道呀，我冇留意新聞。」舊愛一個愁一個喜，作為前女友的莫文蔚仍大方祝褔二人：「係朋友嘛，希望大家都開開心心啦。」
間中感到寂寞
莫文蔚自言感情豐富，就算單身也快樂：「生活唔一定要有愛情滋潤，家真係忙到癲。我唔會為咗拍拖而拍拖，撞唔啱冇得是但。」
女人再強，總希望有人愛錫，她何不選擇做個小鳥伊人？她說：「冇得自己揀，係自己條路行咗出嚟。緣份唔嚟迫唔到，家有機會咪把握做嘢先。」不過，她也承認間中會寂寞：「間中都會，呢啲好正常，只係剎那一刻，有時人生冇得完美，但唔會永遠係低潮。」
採訪：王連連
攝影：葉君海