樂瞳跟現今的年輕人一樣，在家不外乎上網、打機及煲劇，她笑言自己是一名乾物女，唱片公司有見及此，便將其新歌《乾物女皇》定為主打歌，她說：「我啲同事成日笑我係阿婆，成日匿喺屋企唔出街，其實我最怕去夜店，覺得夜場好危險。」問到會否於網絡世界認識朋友？她擰擰頭說：「一定唔會，網絡世界係虛擬o架，就算啲人整張好靚仔嘅相識你，佢本人一定唔會係咁嘅樣。」
見Edison緊張
樂瞳已推出第二隻EP，以一條皇冠形的USB手帶發行，而不是一隻光碟，樂瞳覺得USB手帶可以吸引更多人購買，因為可以當飾物。問到樂瞳老闆陳冠希（Edison）可有為她打氣？她說：「我好少見到老闆，每次見到佢，佢都會問我嚟緊有乜嘢目標，見到佢已經緊張，仲要答啲咁認真嘅問題，不過佢都話我首新歌好聽，已經係好大鼓勵啦。」
採訪、攝影：李珮洳