10月9日係世界郵政日，為咗幫大家重拾寄信嘅情懷，而唔係只發電郵，郵政署近年舉辦「一人一信」免費投寄日，下星期三特首發表施政報告，中大人LaLa喺facebook號召市民喺施政報告發表前，一人一信寄去禮賓府，寫上自己訴求，逐一向煲呔陳情。
LaLa話大家可以要求煲呔改例讓變性人婚姻合法化，要求最低工資33蚊、開放大氣電波、撐廣府話、反對23條等，總之唔好浪費「無料」寄信機會，LaLa仲提醒大家，想唔使錢寄信，要喺9號當日朝早9點至中午12點，放入郵局特別投寄箱，逾時不候。
去年公民黨發起一人一信，要求特首公佈真普選路線圖，免費投寄日變成市民申訴渠道，八方估計郵政署都始料不及。