【上海直擊】
內地女星鄔君梅、古巨基及任賢齊等昨日在上海領取一年一度的十大傑出衣着獎，論搶鏡及class，卻以頒獎的「最美麗港姐」朱玲玲最sharp，她直言受老公羅康瑞影響，愛上中國風打扮。
由香港設計師協會主辦、一年一度的傑出衣着獎，今年移師上海舉行，來自中港台三地的得獎名單，比往屆都來得另類。中國方面有鄔君梅、前人大委員長萬里孫女萬寶寶，台灣有任賢齊，香港代表則有古巨基及Zing等，最冷門是廖碧兒及明道也上榜。
為羅康瑞才打扮
全場最搶鏡的要數負責頒獎的朱玲玲，朱玲玲曾得十大傑出衣着，問到她心得？她說：「我冇乜心思去襯衫，因為我打波比較casual，有時陪先生（羅康瑞）出席活動，先會襯吓。」她讚老公品味不俗，她說：「佢都好鍾意中國衫，都感染我，我鍾意簡單，受唔到太誇，太wild，太性感都過不到自己關。」
近年朱玲玲常穿平底鞋，問她可是遷就老公高度？她說：「唔係，我打波多，膝頭唔好，佢冇畀壓力我。」兒子啟人醉駕事件需延期再審，朱玲玲透露每次兒子都好緊張，自己也擔心，但不會要他禁酒：「佢咁大個仔，識得諗。」
任賢齊穿全身Dsquared2上陣，明道以DiorHomme領獎，古巨基則一身Prada，全部新裝示人，只有Zing以一襲80年代聖羅蘭古着現身，展示自己的儲衫成果。廖碧兒穿上海灘黑旗袍上陣，密實非常，問她自覺衣着那一方面好？她說：「我覺得自己好多衫都着到，好難着嘅deepV、露背都得。」
明道自誇勝小天
明道對得獎表示「不習慣」，但對自己身形尚滿意，至於最滿意的部位？他說：「胸口，有41吋半，很多女生都讚賞過我。」更自詡比阮經天更穩重有安全感。此外，大會在新天地時尚舉行「時裝．視野」展覽，同場由馬詩慧、陳嘉容、姚予晴等示範香港設計師作品。
採訪、攝影：FayeLam
10位傑出衣着人士名單
得獎者：鄔君梅
行業：內地著名女星
得獎者：任賢齊
行業：電影明星、歌手
得獎者：古巨基
行業：歌手
得獎者：明道
行業：台灣男演員
得獎者：廖碧兒
行業：香港女藝員
得獎者：萬寶寶
行業：珠寶設計師、前人大委員長萬里孫女
得獎者：Zing
行業：著名化妝師
得獎者：田北俊
行業：旅發局主席、自由黨前主席
得獎者：楊敏德
行業：行會成員、紡織界女強人
得獎者：邱李茂琪
行業：名媛、溥儀眼鏡創辦人太太