樂基兒、諸葛梓岐、官恩娜及LisaS.等，昨日在尖沙嘴出席Kookai插畫展，展出各人設計的環保袋。樂基兒昨日朝早才在巴黎返到香港，她謂愛DIY牛仔褲、tee，再轉送給朋友，問她有沒有剪爛老公黎明的衫？樂基兒說：「都會，剪完畀我着囉，佢以前瘦啲，牛仔褲size啱我啲，家呢，嗯，就唔同style囉。」
諸葛梓岐被呃錢
諸葛梓岐低胸性感，中日關係有緩和迹象，她謂會如期赴日，她說：「都會照去宣傳，少少擔心啦，信任公司安排係安全嘅，家人都叫我小心啲。」事件有望和解，她說：「冇事就好，我都好怕死！」問到會否在當地不認是中國人，她說：「唔會，我啲日文都唔叻，都係講英文。」此外，諸葛梓岐在微博自爆被呃錢，她說：「收咗一萬元，因信任所以沒有當面點算，孰不知去了銀行入錢，職員一數，結果發現有兩千變成了兩百，慘！一萬變八千二！」
採訪：歐陽慧恩
攝影：黃文成