隔晚花旗股市大幅上升,為港股製造上試23000嘅機會。
噚日港股一開市,恒指即刻搶上23006,但係已經接近全日嘅高位(23023),雖然買盤積極,但係沽壓都唔細,恒指最後企喺22880收市,升241點,有過千億成交支持睇嚟唔錯,但係睇埋陰陽燭同恒指嘅全日變化就唔係咁,恒指出現高開低收,大成交其實係啟示港股會出現調整,恒指好大機會先回試位處22349嘅10日線先至再炒過。
富力C輪22304:富力地產(2777)噚日報收11.32元,升5.2%。尾段大市回得急,富力就掃得勁,應該係炒落後嘅時候。股價短線會上試11.60至11.90元區域,破位料向13元推進,可以諗吓隻C輪22304。隻輪現價12.7仙,2011年6月2日到期,行使價12.50元,溢價21.6%,引伸波幅48.9%,槓桿率8.9倍(有效4.2倍),正股升上13元,22304睇22仙,升幅超過7成,正股跌穿10.70元就沽咗隻輪。
俊樺