【本報訊】網上電台「青台」節目製作人楊匡今年6月到中聯辦外抗議，被控襲警及阻差辦公；楊否認控罪，案件本月18日再審，但上周控方突改控以刑罰較輕的《警隊條例》襲警及阻礙公職人員執行職務罪。立法會議員認為，政府在包致金姪女Amina襲警案後受到壓力，「佢家先係做番適當嘅嘢」。
控方原以刑罰較重的《侵害人身罪條例》檢控楊匡襲警，其後加控阻差辦公。楊上周獲悉控方修改罪行，「政府呢個考慮，唔係針對我個案件，或者其他同類案件，係因為Amina好輕判，唔想有太大對比。以我自己個人嚟計，其實之後接二連三仲有一單一單加喺我身上，政府冇諗過放過我，佢咁做只係唔想凸顯政治打壓，惟有降低控罪。」
立法會議員涂謹申表示，當局在Amina案後備受壓力，其後一度發出指引，「因為單嘢暴露出襲警罪何等不公，對比起嚟一個輕、一個重，講唔通，可以話Amina救咗社運人士，佢家先係做番適當嘅嘢」。
「家補鑊 封住你把口」
香港人權監察總幹事羅沃啟表示，2006至2009年示威者襲警個案都是引用《侵害人身罪條例》，最重判監兩年，不設緩刑，「Amina案之後，家開始避忌一啲，叫做補鑊，封住你把口……證明公眾揭發口誅筆伐，對警隊有啲壓力」。