近年本港樓市嘅新形勢，就係內地客比例越嚟越高，可知北水威力係幾咁大。美聯集團（1200）就一路都有拓展內地市場，最近仲作出人事調動，調埋集團顧問張錦成同中國部行政總裁郭應龍一齊，負責搞內地嘅業務。集團執行董事葉潔儀就會參與多啲內地業務嘅後勤管理工作。
美聯集團高級執行董事黃錦康話，集團內地過去只注重增加分行同生意額，未來會着重多啲新思維同系統，因為內地實在太大，唔可以亂衝亂撞，要有系統作戰略性部署至得。
香港呢邊，美聯物業董事兼住宅部行政總裁伍創業就升做香港置業高級執行董事，由佢帶領港置。
伍創業同美聯集團執行董事同集團行政總裁陳坤興一齊睇住美聯香港業務。家調伍創業去睇港置，陳坤興就專注美聯嘅香港業務。咁多人升職，但係成個人事調動一個美聯高層都冇離職喎。
李華華