國內股市繼續放假，但無礙港股炒上，噚日恒指反覆升260點，報收22618，係今年新高，成交增加到960億，上試23000關嘅時間應該好近。
睇番啲數據，正股上升數目700隻，下跌407隻，由個股上升同下跌嘅幅度嚟睇，港股日內會出現指數上升但個股趨個別發展嘅現象，買強勢股會較買弱勢股贏面大。
神華C輪23038：中國神華（1088）噚日報收33.35元，升3.8%。10日線早前升破100日線之後，股價轉橫行，噚日有大成交支持股價上試250線，配合周線圖同月線圖嘅向好形態，神華料會反覆上試37元，可以諗吓隻C輪23038。
隻輪現價26.5仙，2011年1月4日到期，行使價33元，溢價6.9%，引伸波幅36.7%，槓桿率12.6倍（有效7.1倍），正股升上37元，23038睇50.9仙，升幅超過9成，正股跌穿32.20元就沽咗隻輪止蝕。
俊樺