民主黨本周五16周年黨慶，喺尖沙嘴TheOne筵開50席賀壽。本來喺呢啲喜慶日子，所有黨魁都應該係座上客，偏偏社民連主席陶君行噚日自爆至今未收到邀請，但該黨立法會議員黃毓民同陳偉業等就已經收到請柬，唔通阿陶被列黑名單？
民主黨總幹事陳家偉強調民主黨無分政見，一律向各大政黨黨魁同主席廣發英雄帖，阿陶理應係貴賓，唔知當中出咗乜嘢問題？毓民講到明如果主席冇獲邀，佢哋都會杯葛唔出席，但社民連11月舉行嘅4周年酒會將會如常邀請民主黨出席。阿陶噚日就繼續拉大隊去政府總部請願，反對政府死心不息係都要浪費公帑申辦亞運。