紐卡素前日可以話雙失，輸俾曼城之餘，最慘係馬賽借將賓艾化（小圖）懷疑斷腳，肯定長唞，隨時係半年嗰隻。一腳飛埋去攞人命嘅荷蘭「殺人王」尼祖迪莊（大圖右），又一次逃過球證法眼；但多行不義必自斃，荷蘭國家隊主帥尹馬維克噚日宣佈，暫時將佢剔出國家隊，認真大快人心。尹馬維克直言因為呢腳攔截，未來對摩爾多瓦同瑞典嘅兩場歐國外唔會預尼祖迪莊，話遲吓至同呢位曼城中場傾傾喎！計我求大俠話仲有咩好傾，今夏世盃大家都見識過佢點樣兜心口踢沙比阿朗素，當時逃之夭夭只係時辰未到，家陣上得山多終遇虎。可憐賓艾化明明開季踢得好，有機會得到紐記一張長期飯票，家凍過水囉。