踏入演藝圈30個年頭的劉德華近期喜事重重，恨有子女的他盛傳快將榮升爸爸，其44歲妻子朱麗倩被指懷孕3個月，雖然華仔未有公開回應，但今日他出席記者會必被追問此事，答案到時自有分曉。另外，華仔日前拍攝新歌MV，連跳16小時舞也不厭倦，可謂精力過人。
現年49歲的劉德華入行不經不覺已30年，近期他搞作多多，忙完宣傳電影《狄仁傑之通天帝國》後，又要為年底舉行的「劉德華Unforgettable演唱會2010」準備，加上下周他又推出全新國粵語專輯，即時令華仔忙個不停。
拍MV跳舞16小時
不過，華仔似乎要更加努力為事業拼搏，由於近日盛傳其妻子朱麗倩懷孕3個月，雖然他未有公開回應傳聞，不過他今日將會為演唱會舉行記者會，相信他已有心理準備被記者追問此事，到時答案自會揭盅。
雖然華仔心急做爸爸，但同樣他對工作也很着緊，日前他就拍攝演唱會主題曲《IDon'tWannaSayGoodbye》MV。由於新歌要配合舞步，拍攝時華仔要連跳16小時，但他未有嫌辛苦。
填詞曾被霑叔批評
華仔說：「我好感謝導演，因為今次拍MV嘅舞台用咗我30年嚟唔同嘅造型照整成，到時MV會穿插我以往個唱嘅片段，令到我可以不斷回味，仲有企喺舞台上嘅感覺㖭。」
入行30年的華仔一向勤力過人，他自爆以前曾被已故嘅黃霑罵，指看不懂他的歌詞，經華仔不斷努力，最終霑叔都讚他寫的歌詞，華仔說：「我唔係最優秀嘅藝人，但我可以話我係願意去努力嘅藝人。」
撰文：林妃
