球星相繼被爆出性醜聞，搞到最終都要離婚收場，仲要冇咗廣告合約，真係可謂得不償失。最近全英國最大嘅愛情顧問公司就做咗一項調查，搵吓芸芸咁多「偷食男」之中，邊個係最賤格嘅「世紀愛情大騙子」，結果就係高球界「1哥」美國嘅活士大熱當選「世紀賤男」榮銜，家佢同老婆艾蓮已經離咗婚，事發後高球成績亦陷低潮，絕對係已經有報應。
朗尼A高入三甲
之不過我求大俠覺得最難明嘅係，活士嘅「虎女郎」有幾十人，都只係有30%嘅女性投票畀賤男，真係少咗少少，反而只係玩過「3P」嘅朗尼就以23%，成「世紀賤男」第2位，唔通班女人恨朗尼嘅原因，同佢偷食時間係老婆高蓮大肚嗰陣，班女人感同身受同情高蓮？究竟係咩原因令朗尼咁高票數，個調查就真係無提及，可以話係削弱其說服力嘅地方。不過好彩嘅係，朗尼係三甲之中唯一能破鏡重圓；以15%當選第3位嘅車路士後衞艾殊利高爾亦同靚靚歌手老婆Cheryl離婚囉！