日本啱啱舉行「2010魂」展覽，之前提及嘅超合金魂金毛獅王已經有彩色版展出，睇嚟離推出都唔會太耐。而且，更加已證實，金毛獅王之後，真係開口中係另一70後必愛作品——神奇大帝！喺展覽中已經有設計圖展出，要尋回童年回憶，買齊兩隻在所難免，只好儲定錢！講開舊作，今次仲有一啲比較冷門啲嘅作品，就係《天空之艾斯卡科尼》主角機，完全變形，不日推出，但要留意嘅係呢隻超合金寫明係「超合金XHalf-eye」，個心寒一寒，只有希望價錢唔會咁天價。
玩具迷，尤其三一迷都知道，Half-eye出品，最有保證嘅就係價錢定必高開，希望呢隻Crossover之作，價錢會合理啲。天空之艾斯卡科尼嘅龍形形態，忠於原著，不過搵得Half-eye幫手，變形過程應該夠晒複雜。
文：阿洛