英冠球隊李斯特城周日正式聘請前英格蘭國家隊62歲教練艾歷臣為新任領隊。仲話自己肯教李城，係認為可帶領球隊升上英超咁話喎！之不過李城喺英冠首10戰後，僅錄得2勝2和6負得8分排喺尾3位置，睇嚟艾歷臣真係先要諗計點樣幫班波脫離降班漩渦啦。而博彩公司亦都唔多睇好佢接手，開出1.67倍睇死佢完成唔到兩年合約。原因除咗艾歷臣鍾意成日轉工，之前教英超曼城、上季做英甲諾士郡總監等，真係轉個不停，李斯特城亦都鍾意換領隊，自04年以來已換咗14個，兩者可謂一拍即合，睇吓周一上任為近年第15任領隊嘅艾歷臣係咪真係好快走人？