商天娥昨晚於君悅擺喜酒，其83年無綫藝員訓練班同學齊齊畀面到賀，包括劉嘉玲、曾華倩、吳君如、劉青雲和陶大宇等等，而曾跟梁朝偉拍拖的曾華倩更與偉仔老婆嘉玲同枱而坐，再加上郭晉安與太太歐倩怡和鄭嘉穎等等，場面熱鬧。
劉嘉玲約8時一身珠光寶氣現身，她表示：「我同娥姐偶然都會出嚟食飯，今日當然要嚟送上祝福。」
記者笑嘉玲當年一班姊妹演《鹿鼎記》時都是梁朝偉所演韋小寶的老婆，昨晚幾位老婆如吳君如和商天娥有機重敍，可惜不見了韋小寶，嘉玲笑說：「佢要開工，所以唔會嚟啦！」
娥姐暗戀青雲
記者問曾華倩知不知道與劉嘉玲同桌而坐，她說：「今晚我知道好多藝訓班舊同學同老師都嚟咗，大家好難得可以一敍，好開心。」
吳君如約8時30分始到達，她表示：「為尊重主人家，所以今晚特別悉心打扮。」有傳娥姐訓練班時曾暗戀劉青雲，問君如是否知情，她表示：「冇喎！佢同劉青雲、陶大宇老友就係真嘅！」
採訪：楊潔雯
攝影：仇志德