5奪NBA總冠軍嘅後衞拜恩（圖），日前與眾隊友、親友等105人浩浩蕩蕩抵達英國倫敦。香港時間周二凌晨2時湖人喺「O2」球場，同木狼打季前熱身賽，之後周四喺西班牙再同巴塞隆拿打多場。之但係拜恩今次嚟到倫敦亦可一圓20年嘅心願，皆因佢話周日首次入場睇英超，仲要係車仔大戰兵工廠，絕對值得紀念！另外今次係佢首次喺美國以外打NBA嘅賽事，同時亦都係湖人自91年後再以歐洲為熱身地點。機會難逢，球迷當然四出撲飛，據講最貴嘅88鎊門票炒到2,000鎊一張，真係誇張。之不過教練積遜話拜恩膝蓋手術後未癒，最多打8分鐘咋！