一早預咗，一哥鄧竟成會話十月一日警方喺中聯辦外向示威者狂噴胡椒噴霧係克制，再賴係部份示威者激進，警方先使用適當武力云云。其實講來講去，都係因為嗰度係西環，驚阿爺唔高興先咁緊張。八方開始懷疑，嗰日牽動警方神經嘅可能唔只副棺材，仲有張靈符。
從遊行人士喺facebook發放嘅照片，當日有張banner係喺黃布上用紅色字寫住「敕令中共仆街冚家令」，成張符咁，都幾有氣勢。網民紛紛畀like兼share，有人評曰：「嚇窒西環喪屍，冇鬼敢行近。」靈符可以驅鬼辟邪，不過就搞到當日現場啲警察上晒身，係又噴唔係又噴。