第三季最後1個交易日，港股下跌20點收市，報收22358，但係全日走勢並唔差，相較開市同最低位都回升好多，同6月底指數比較，上升2229點，或11%。第四季會點？應該會繼續炒上。
上周五花旗股市造好，有利今日港股氣氛，九龍塘再有地皮勾出，亦會為港股增添聲勢，上月期指結算之後好友繼續掌控大局，恒指正伺機突破23000關。
國航C輪22312：中國國航（753）上日報收10.72元，升2.6%。股價突破10元關之後向上形態越嚟越明朗，交投維持暢旺，估計好快會上試11.80元，破位進一步向12.60元推進，可以諗吓隻C輪22312。
隻輪現價15.4仙，2010年12月22日到期，行使價9.80元，溢價5.8%，引伸波幅51.5%，槓桿率7倍（有效4.8倍），正股升上12.60元，22312睇30.3仙，就算正股見11.80元，隻輪都有5成升幅（23.6仙），正股跌穿10.20元就沽咗隻輪。
俊樺