【本報訊】市民沈小姐的iPodnano日前充電期間突然爆炸，一家人嚇餐飽。她投訴：「咁大間公司嘅產品點諗到會爆炸，好彩冇燒咗間屋。」第一代iPodnano電池爆炸早有前科，專家建議消費者停止使用，並盡快要求蘋果電腦更換電池。
致電蘋果無人接聽
沈小姐的白色iPodnano容量2GB，屬於第一代產品，爆炸後機身和USB線都多處燒黑，機身中間並出現一條大裂縫，可見爆炸威力不小。沈小姐憶述爆炸一刻猶有餘悸，她說：「當時部iPod喺廳，用USB線駁住電腦叉電，點知突然爆炸，咁啱我個女冲完凉出嚟，即刻將條毛巾放上去，至救熄啲火。」沈小姐指該部iPod使用超過兩年，「如果壞咗我都冇所謂，但爆炸係可以整傷人，所以蘋果有責任向公眾交代。」她指爆炸後多次致電蘋果電腦，但電話一直無人接聽。
自06年起，本港以至全球各地都發生多宗iPodnano爆炸事件，日本政府更點名批評iPodnano過熱造成27宗意外，最少釀成3人受傷。到09年底蘋果終承認第一代iPodnano電池可能過熱，如產品變色或變形，應即時停用。對於沈小姐這宗iPodnano爆炸個案，蘋果電腦至截稿前都未有回覆本報查詢。
應盡快要求換電池
香港大學電機電子工程學系副教授張星煒表示，電池爆炸最大可能是生產時有瑕疵，「正常電池過熱，會自己截斷電流，唔再充電，但有問題嘅電池，保險功能用得耐會失效，就會充到爆炸。」他指既然蘋果電腦承認產品有問題，消費者應盡快要求蘋果更換電池。