無綫本月將推出兩線新劇，除了《義海豪情》外，由林保怡、黃宗澤和高海寧等主演的《讀心神探》安排緊接人氣劇《公主嫁到》於明晚首播，林保怡等昨日在將軍澳宣傳新劇，他說：「我拍過好多警匪片，不過好少拍有用讀心術查案嘅戲，我諗會有新鮮感。」對於有指此劇涉抄襲，保怡說：「呢套劇係有參考過啲網站，不過故事係全新創作出嚟。」
日前有指黃宗澤用微博與陳法拉傳情，問到黃宗澤有否因此事而激嬲胡杏兒？他笑說：「大家都知乜嘢事，陳法拉都有男朋友喇！佢（杏兒）淨係話點解用咁核突嘅相！」問黃宗澤是否不願意公開戀情？他說：「結婚先會公開，拍拖嘅嘢隨時有變動，唔想尷尬，所以半暗不明係最好。」
高海寧被排擠
此外，高海寧昨日穿四吋高的高踭鞋出席活動，她笑說：「我下次唔會着咁高嘅鞋，好多男藝員話我高過佢哋，唔想行近我身邊。」
採訪、攝影：何慧斯