橙天嘉禾（1132）受惠內需及祖國電影市場火熱期，現價殘到痹，抵搞。2010年半年度純利大增兩倍，到2552萬銀，好省鏡。仲要咁睇，同胞富起來，加上祖國電影市場火熱，單係一套《唐山大地震》票房6億銀，橙天繼續肥仔水。
保守計橙天全年度純利增長30%到1.24億銀，預期PE得11.8倍，ChinaPlay當中，平到爆。又橙天淨現金高達7.3億銀，有條件擴展業務。而集團入股美國LegendaryPictures（LP）3.33%，後邊隻LP，單係同華納合作嘅《潛行凶間》，全球票房過50億銀，橙天未來嚟自LP投資分成可大可小。呢期同類股星美國際（198）大升兼創1年新高，橙天仲喺1年低位，收集橙天博翻半番，見0.85元，預期PE17倍，仲係平過同類股。
保綠折讓60%可短炒
中國保綠（397）開拓嘅太陽能光伏發電項目，照計劃應該喺上季開始投產，正式變身環保能源企業。而十．一假後，祖國將踏入政策訊息密集月，「十二．五」規劃當中，相信會有祖國環保節能嘅政策支持，中國保綠已經有Point炒。又中國保綠最新NAV每股0.6元，現價（0.244元）折讓60%，新能源股當中，好吸引。呢轉短打博升20%到0.30元，集團未有耐上到NAV。
錢雋