林峯與陳茵媺昨日到九龍灣出席家居產品公司的剪綵活動，林峯即場獻唱，大班fans一早到場支持。林峯一臉倦容說：「過去呢個幾星期都瞓唔足，因為要盡快拍完同阿佘（佘詩曼）合作嘅新劇，之後仲要返大陸拍戲。」問到頸傷情況，林峯說：「其實都未好番，休息唔夠就會扯住，所以返大陸都會帶埋私伙枕頭同頸箍。」
自認腌尖
林峯提到新居入伙，因工作太忙未有時間處理，他自認腌尖，不過新居似尚欠女主人，林峯笑說：「如果搵嘅話要搵個阿四多啲。」記者即指其緋聞女友鍾嘉欣於《公主嫁到》中亦叫「阿四」，他即尷尬地儍笑。陳茵媺則表示對家居要求極高，試過找不到合心意的床而連續四個月只睡床褥。
採訪：藍文浩
攝影：陳順禎