三色台小生「噏噏哋」同花旦「大雀仔」分手之後，呢排又頻頻以情侶檔姿態接騷銀。關仁聽聞佢哋兩個原來已經秘密復合，喺返埋一齊好耐㖭，所以唔介意一齊接騷銀。
情侶檔至煞食
本來男女朋友之間離離合合好平常，但關仁就戥噏噏哋唔抵囉，因為自從噏噏哋同大雀仔拍拖以嚟，對女朋友不知幾咁好，但聽聞每次分手，都係大雀仔提出嘅，原因都係離唔開佢要以事業為重，唔想拍拖分心喎！
但點解分咗手又會復合呢？原因一字咁淺，就係大雀仔無論幾咁專注發展事業，都唔係咁順風順水，佢咪死死氣返去噏噏哋身邊囉，起碼孖住噏噏哋都可以搵多啲啦！
Textby 關仁