謝安琪（Kay）前晚與孫耀威（Eric）於伊館演出音樂會，Kay近月工作量減，惜似乎未有好好練歌，演唱時有聲沒氣，甩詞走音，獻唱新國語歌時忘詞，竟要從頭再唱，事後竟解釋太擔心作曲的方大同健康狀況才會失準，未知其丈夫張繼聰聞言作何感想？
謝安琪當年憑《囍帖街》一曲竄紅躍升天后，卻多番在公開場合唱歌走音，常被指歌藝有待改進，自四大唱片與無綫有合約糾紛後，其工作量與曝光率驟減，人氣急降，經常閒着的Kay卻似乎沒有趁機好好磨練歌藝，前晚她與孫耀威於灣仔伊館演出「LISTEN謝安琪、孫耀威慈善聽唱會2010」時，又再表現失準。
「好擔心佢先忘詞」
Kay先與孫耀威合唱《會過去的》，二人默契欠奉，各有甩漏，後來到Kay獻唱《8分3》時，不但有聲冇氣，還出現音不準的情況，再唱方大同作曲的新國語歌《脆弱》時，更唱錯歌詞，要暫停由頭再唱起。
事後Kay竟解釋只與Eric夾過一次歌，又指唱國語歌失準是因為方大同，她說：「因為首歌係方大同作嘅，佢爆肺休養緊，我太緊張佢，好擔心佢，所以先忘詞。」Kay謂也曾因爆肺動手術四次，相當有經驗，故方大同也會致電向她請教相關問題，她說：「我就肥屍大隻，佢紙咁薄，醫生唔建議佢做手術，做完會太辛苦，影響唱歌o架。」
Eric則透露近日忙於內地拍劇，他激瘦20磅，飾演抗日青年，他希望再瘦10磅。談到近日中日關係緊張，內地抗日情緒高漲，Eric說：「一齊拍劇啲人情緒都好高漲，希望可以和平解決件事啦。」
孫耀威激瘦操肌
問到女友陳美詩可有為Eric激瘦而心痛？他說：「冇，因為拍劇大家都忙，我哋用視像聯絡，我11月中會繼續拍劇，都想一路瘦落去，想有六嚿腹肌，好羨慕許志安。」他笑謂若練成六嚿腹肌，不介意明年出寫真與周秀娜對撼，他說：「我十幾年前出過寫真，嗰陣好肥。」
採訪：胡比
攝影：仇志德
