【本報訊】熱刺在港是「big4」以外，擁有最多球迷的英超球會，只是熱刺波衫的銷情原來相當受球隊戰績所影響，由於球隊上季戰績不俗，令今季的全新波衫有不少球迷問價。
熱刺球衣月中返貨
倫敦球會熱刺是在8、90年代因曾擁有荷杜、華度、基夫阿倫、奇連士文及真路拿等技術出眾星級球員在陣，加上踢法較着重組織，又曾奪取足總盃，故在港建立不少球迷層，可是球隊近季的成績始終比較反覆，而球衣銷售亦直接受到戰績的影響。
球衣專門店KitroomSports老闆阿Kan（圖）表示，始終波衫以英超4大球會最受球迷歡迎，其餘球隊的球衣銷售則視乎成績而定。熱刺上季取得聯賽第4名，成績是近季最佳，加上球隊體育用品贊助商今季推出新款球衣，球季未展開已有不少熱刺球迷問幾時有今季的熱刺波衫應市。
他說：「早幾季熱刺出過啡色作客波衫，由於顏色特別，加上香港冇行貨，賣得算唔錯，而熱刺近季成績比較穩定，上季更加攞到第4名，佢件波衫即刻多咗球迷買，而開季至今亦有唔少球迷問幾時有熱刺新波衫買，但行貨遲遲未有返貨，估計今個月會有貨到，月中相信有得買。」