梁詠琪、譚詠麟（阿倫）、李克勤和一眾亞視星光家族等，昨晚齊聚紅館為國慶文藝晚會演出，阿倫更壓軸獻唱三首歌。
阿倫不敢遊日
梁詠琪昨晚穿白色旗袍示人，略顯性感，她指自己「正常加料，冇過火」，有傳劉德華妻子朱麗倩懷孕，她笑說：「如果係仔，佢個仔一定冇朋友，因為係全宇宙最靚仔。」
提到傳華仔將為人父，阿倫自稱拉鏈嘴不會多問，他說：「不過如果係真，都恭喜佢。」華仔有否向他請教生仔經？他說：「佢唔會問呢啲嘢，佢好有經驗。」但朱麗倩從未生育，阿倫說：「即係話，佢好多嘢好多經驗。」言下之意是指華仔有生兒育女經驗？他怕講多錯多，不願再回應。
日本近日爆發仇華情緒，阿倫原定與陳百祥到日本滑雪，現在則要三思，他說：「呢啲時候，風頭火勢，有啲嘢可避則避，每個地方都有啲極端行為，避得過就唔好去。」
採訪：譚倩兒
攝影：仇志德