近日圈中喜事浪接浪，繼盛傳劉德華太太朱麗倩有三個月身孕後，女子組合2R成員黃婉君（Rosanne）也懷孕兩個月。日前有人目睹Rosanne到尖沙嘴看婦科照超聲波。對於胞姊有身孕，Race昨日在電話只笑說：「唔講得住。」
現年31歲的黃婉君（Rosanne）去年12月與牙醫男友Derek結婚後，近日終於造人成功，懷有身孕兩個月。本周二（上月28日）上午，有人目睹Rosanne到尖沙嘴睇婦科，當日不但有丈夫Derek陪伴左右，就連胞妹黃婉佩（Race）及其男友向佐也齊齊陪往診所檢查，認真大陣仗。
尖沙嘴睇婦科
Rosanne當日求診的婦產科女醫生，正是曾為張栢芝及郭晉安太太歐倩怡等接生的資深名醫霍麗玲，縱使一早預約，求診時往往要多等一小時以上。本周二上午，一身便服的Rosanne在丈夫陪同下到霍醫生位於尖沙嘴亞太中心的診所檢查照超聲波，腹部未見隆起。
由於Rosanne到埗後獲悉仍要等候近一小時，於是先行跟老公離開，大概45分鐘後再折返，身旁還多了妹妹Race和向佐，一行四人相當矚目。據悉，Rosanne現時懷有兩個月身孕，為怕BB未夠3個月小器，所以家人對有喜一事均相當保密。
記者昨日致電Race，問Rosanne是否有BB時，她未有否認，只是故作神秘笑說：「唔講得住。」估計是BB未夠3個月不便透露。問到Rosanne近況時，Race說：「佢新加坡同香港兩邊走，家姐主力幫爹哋打理生意，應該唔會再做番娛樂圈。」未知Race可有結婚打算？她說：「自己未有咁快住，張唱片啱啱差不多做好之嘛。」
Race悠閒進修
此外，Race前晚穿着鬆身衫出席尖沙嘴服裝店開幕，她見記者即主動說：「唔好誤會，我唔係有咗。我呢排愛上讀書，讀緊MBA商科。」問到沒有工作沒收入，支出可是靠男友，她說：「我平時使費好平，日日喺屋企溫書。」
採訪、攝影：戴彩煥、李珮洳、譚倩宜
