繼批評警方封鎖突發新聞消息後，記協又向政府新聞處開火。最新一期《記者之聲》統計本年7月新聞處發放中、英文稿件比例，發現新聞處似乎越嚟越重中輕英，7月內「只有中文」和「只有英文」的新聞稿比例為5.48比1，「只有中文」的新聞稿唔止量多，而且較有新聞價值。
記協更加發現，7月18日發出「一個都不能少：人口普查不忘支援少數族裔」新聞稿，但呢份涉及少數族裔權益嘅新聞稿，竟然只有中文版，對唔識中文嘅少數族裔人士而言，真係莫大諷刺。高官日講夜講香港係亞洲國際都會，記協指新聞處應該改逐漸變偏向中文新聞嘅政策，否則香港可能只會變成一個中國城市，而唔係一個國際城市。