彭拿典奈高斯主場吞哥本哈根雙蛋，兩個曾同期分別踢過英超阿仙奴同車路士嘅基拔圖施華（G施華）同格朗基亞狹路相逢。結果G施華喺下半場初段兩黃變一紅，間接累隊波敗陣。嗰球波個位置唔係危險地帶，查實沉着些少可以唔使攞牌；相反，格朗基亞上半場長傳畀隊友戴美尼度耶射入，功架十足，大家都係33歲老將，點解反差咁大？