考評局舊年教會考生同高考生，點樣循索取個人資料申請攞番答題卷後，今年有795人申請攞卷，比舊年嘅364人多成倍；當中高考生佔八成，有637人，比舊年多3.5倍；但末代會考生就少咗四成，得158人。
申請攞番份卷首份要畀385蚊，第二份起100蚊。將份卷交畀老師或補習天王再改，發現改錯或者改得唔合理，考評局唔受理，考生要再畀幾百至千幾蚊考評局覆核，上訴成功先可以退錢。今年會考同高考覆核分別有9,138宗同13,532宗，各升16%同24%。學友社社長伍德基話，近年多咗考生上訴得直，刺激考生攞番份卷睇。今年有高考5A狀元查卷得直，變成6A狀元，可能因此令更多高考生要攞番份卷睇真啲。