雙R齊出擊　戰鬥格

總覺得速度跟男人有着不可分割的關係，更何況有兩架SuperMoto放於面前，男人優越感頓時湧上心頭。KTM的2010年新電單車990SM-R及990SuperDukeR齊齊到港，兩部R頂級版滿佈戰鬥格Options，真正的「Ready-to-race」，試問有邊位電騎士唔會立即挑起戰意，贏取美女的注目垂青。

記者：許維雅
攝影：黃子偉
Model：Rika@GME
髮型：[email protected]

馬力夠勁　兩雄馳騁

向來無辣不歡的奧地利品牌KTM，2010年新版990SM-R及990SuperDukeR一齊殺到，兩部同屬R頂級版及搭上一台四衝水冷DOHC75度V2汽缸引擎，但DukeR經廠方調校後，馬力輕微提升10匹至130匹，較主打玩On/Offroad的SM-R大，先搶一分。其實SM-R的116匹馬力一樣勁，至怕難於香港物盡其用呢！

■兩架KTMSuperMoto到港互鬥，SM-R有雙座位可接載美女，似乎更易搶分得手。

一趴一坐　各具特色

兩車均以9公斤編織式鋼管車架作支撐，R版獨有的橙色焗漆車架夠養眼，好似一件露出腹肌的襯衫，令車側腰間更顯肌肉感。兩車的車身顏色同樣是黑白橙配搭，驟眼睇以為外形差不多，其實DukeR兩側啡呤較大及頭尾避震行程較短，屬跑車款，坐上要微微向前趴；而SM-R的車頭避震行程有160mm長，車頭位置較高，有點似爬雞，挺直坐便可，加上座椅較平闊，坐得舒服；相反DukeR只是單座，即使有靚女在旁都無機會逞英雄呢！

原裝豪華配備　隨時落場

KTM近年逐步研發街車、跑車及巡航車等款式，亦堅持Ready-to-race的宗旨，好似兩車的驅動模式，同以Keihin48mm電子燃油噴注引擎及6前速鏈傳動等機器配合，瞬間即到爆發力及輕巧車身，隨時甩尾都得，令愛玩Freestyle電騎士對KTM不離不棄。型號叫得R版，逼力及避震等配套及設定更方便車主隨時落場劈幾轉，唔使逐Part左改右改，一大堆跑化Options如碳纖配件、Brembo徑向式制動卡鉗、17吋啞黑色合金輪圈及配有TitaniumCoating的叉芯滑動桿等，全是跑車補品。KTM向來不加TRCControl及電子輔助等系統，需一點技術才可駕馭，想馴服兩匹野馬，鐵騎新手未必做得到。

990SuperDukeR