陳奕迅（Eason）於12月11日在澳門舉行Duo巡迴演唱會，昨日在灣仔舉行記招，Eason希望能夠邀請露雲娜當嘉賓，其演唱會明年1月14及29日會在台北和高雄舉行，撼正1月21至23日在台北開騷的王菲，他說：「係咩？我唔知喎，雖然同公司，但同佢真係唔熟，大家都好欣賞對方，我都想同佢合作。」
「一場得5萬蚊」
提到李兆基兒子李家傑收購無綫，Eason笑說：「可唔可以收購我呀，兩、三億就夠o架喇。」記者指他做演唱會也賺到，他即說：「乜咁睇得起我，我一場得5萬蚊o架咋，做演唱會都係為興趣之嘛。」此外，有指王菲的上海演唱會門票，原價2,500人民幣在網上炒到6,900，經理人陳家瑛表示：「真係戥歌迷心痛，啲飛炒到咁貴，但都好難阻止。」她透露正考慮計劃東南亞其他地區為王菲開演唱會，香港都有可能。
採訪、攝影：胡比