最近上荃灣MINIShowroom影相，俾我無意發現到有架黑白雙色配襯嘅MINI收埋喺交車房入面，細心睇真啲，咦，原來係MINICountryman嚟，呢部眾MINI迷期待已久嘅迷你四驅原來已經靜悄悄抵港，俾我揭發小秘密，當然窮追猛打代理問個究竟，點知代理守口如瓶，只係肯透露MINICountryman將於10月中同大家正式見面。有理無理，一於等大家先睹為快睇吓呢部迷你四驅仔真身，唔使齋睇網估估吓。雖然未有堅料，不過記者就收到風話MINICountryman可能要差不多50萬車價，信不信由你喇。