NBA小馬隊嘅前鋒奴域斯基（小圖），上季就因為涉及戀上又老又醜嘅女飛賊，女方仲聲稱有埋身紀，搞到冇晒面，不過睇嚟奴域斯基好快就治好情傷，宜家轉目標去積西嘉奧臣（圖右）。積西嘉奧臣呢個名大家可能都陌生，不過佢哥哥就出名就多，因為係效力緊布力般流浪嘅瑞典後衞馬田奧臣。今年6月瑞典U21對黑山U21，呢場原本冇咩特別嘅足球比賽，竟然吸引德國嘅奴域斯基觀戰，全因呢場波馬田奧臣有份踢，而今夏奴域斯基就好神心，經常去布力般探馬田奧臣；馬田奧臣即時踢爆：「佢搵我係假，想約我個妹先真！」馬田奧臣只得22歲，佢個妹大極有限，今次32歲嘅奴域斯基終於識食！