容祖兒昨日於黃埔舉行演唱會加場記者會及新碟祝捷會，其個唱第三度加場，合共演出8場。活動上唱片公司高層吳雨送上寫有「囍」字的椰子，更笑言將祖兒嫁給紅館館長，望她加場長加長有。
從來冇睇頭
祖兒表示近日消瘦不少，問她會否過瘦而變得沒有睇頭？她笑說：「大家幾時見我有嘢睇過，嗰啲係海市蜃樓，要畀時間等我搵返出嚟。」對於有報道指唱片公司將踢走鍾舒漫及泳兒，問祖兒可有安慰二人？她回答：「唔係事實嘅嘢無謂作討論，佢兩個都好緊張自己嘅事業。」另外，有雜誌批評祖兒的演唱會海報的黑色化妝似萬聖節化妝，她表示不可事事討好所有人，她說：「我好多朋友都讚，我自己都覺得好靚，有好多人覺得好我就欣然接受o架喇。」
採訪：李珮洳
攝影：仇志德