保安局局長李少光嚿年10月抱孫，兒子李霖恩同新抱方燕凌生咗個BB女，話咁快小孫女Gianna即將一歲生日，李霖恩接受訪問時透露，女兒十分好動，而且動作多多鍾意郁手郁腳，有時抱女時會被BB女打，就算爺爺抱抱時，B女都唔客氣會用小手打爺爺。
李少光做咗幾十年紀律部隊，不過李霖恩話父親喺屋企好錫佢哋，笑言自己由細到大都好似冇乜紀律，現時囡囡可能都遺傳佢性格，似佢冇乜紀律，有時帶個女出街，坐低唔夠10分鐘就扭計，好百厭咁話。
據講李少光好鍾意抱孫女，新抱同個仔隔日就抱Gianna俾爺爺抱，等李少光多啲時間享受做爺爺樂趣。