在「光纖之父」高錕母校聖若瑟書院任教27年的陳美梅，本學年晉升成為學校揸Fit人，成為創校135年來首位女校長。在她眼中，學生既醒目亦俏皮，令他們得以發展天賦，享有自由和成為領袖，是校長的責任，對於校友想校轉直資，教育局要求中一減班，她一概說不。
陳美梅執教鞭已經有30年，最初五年是在銅鑼灣女子官中何東中學任教，83年轉到聖若瑟書院任會計科主任，07年升任副校長，今年再升職，是第28任校長。該校以往校長都是喇沙會修士，前任校長梁長興是首位非修士校長。
任教過女校，現時成為男校校長，陳美梅說有不同體會，「女仔乖啲、勤力，默默工作；嚟到聖若瑟有另一番滋味。佢哋好俏皮，真係好醒目」。在校27年，陳校長始終情傾一眾「若瑟夫」，「佢哋好容易就捕捉到上堂、學習嘅精髓，所以教佢哋好開心」。
拒絕轉直資學校
陳校長說，聖若瑟有獨特文化，百年傳統，不會因一個女校長而改變，尤其是開放自由的傳統。該校80年起設學生會，「由學生自己籌組，唔係我哋指派，校方奉行積極不干預政策，賢者居之，同學信服就可以做」。
不過美中不足是學生會並非學生選出來，原因是一直以來每年學生只自組一個幹事會交校方委任，沒有競爭。陳校長說，以為今年舊制中六和新制中五會各組一個內閣對撼，但結果落空。陳校長仍然期望將來學生會經由學生選舉產生，「社會係開放嘅，既然立法會有普選，點解唔畀細蚊仔去試呢？呢個係好有意思嘅活動」。
聖若瑟今年出產四名會考十優狀元，以及一名高考5A狀元，校方昨特別向傳媒展示學校的實力，並請來多位知名校友列席，包括行會成員梁智鴻、立法會議員林健鋒和前議員何承天。
鄰近的聖保羅男女中學等傳統名校紛紛轉直資，林健鋒公開促母校也轉制，梁智鴻更直言：「如果學校話轉，一定支持。」
不過陳美梅校長卻向直資說不，原因是不想成為另一間貴族直資，「我哋辦學宗旨係有教無類，唔想畀唔起學費嘅學生嚟唔到讀書，在可見未來，冇此打算」。
指縮班害了學生
教育高官要求中學縮班，陳美梅說中西區沒有學生不足問題，學校若由五班減至四班，除會製造超額教師外，也會害了學生，「我諗好多家長會好失望，如果呢區冇收生問題都要縮班，可能學生會被撥去第二區上學，對細蚊仔嚟講辛苦咗，佢哋要舟車勞頓」。
陳校長主要教會計科，有修讀會計的聖若瑟應屆會考十優狀元陳晉登說她比補習天王更犀利，「出面補習社會教先過學校，但佢仲教得快過啲補習社，等我哋有多啲時間溫習」。
記者 倪清江