徐濠縈、關楚耀、黃偉文等前晚到銅鑼灣欣賞I.T時裝騷，穿上AmayaArzuaga橙色連身裙的阿徐行色匆匆，她透露因為當晚她要搭夜機去巴黎入貨，所以出席完活動後就要趕回家執行李，她說：「自己間舖頭開咗一年半，間唔中都要飛去入貨，今次我就要飛去一星期，不過老公做嘢，又唔喺香港。」
關楚耀着T-back
阿徐自爆女兒仍未知道她要離港多天，她笑言女兒不喜歡她離開，她說：「以前我話去巴黎買朱古力畀佢食，個女細個就仲信，家就唔信，個女又細未畀佢玩視像住，不過我啲電話費就好貴，試過要交成萬蚊。」
此外，同場的關楚耀就自言曾擔任模特兒行騷，至於是否有勇氣性感示人，他就說：「如果為藝術而犧牲都冇問題，着T-back亦可以，當慰勞吓香港嘅女仔。」
採訪、攝影：張俊銘