【本報訊】曾取錄「星之子」陳易希的科技大學，上月又破格收生，提早一年搶收聖若瑟書院應屆會考十優狀元陳晉登（圖），入讀環保課程。這位環保狀元曾想過讀法律搵錢，但最終想為地球出一分力，希望將來可在商界推動環保。
聖若瑟書院今年有四名會考十優狀元，陳晉登上月4日放榜日向記者表示想入讀科大的環境管理與科技課程，結果上月中科大邀請他面試，數日後收到取錄通知，今年9月「升呢」為大學生。
志向為環保出一分力
科大、港大和中大均有中六生優生錄取計劃，會考獲6A或以上學生可在中六後提早升讀大學，陳晉登則獲科大破格取錄。他說早前收到港大邀請到學校參觀，「嗰時已經入咗科大讀書，港大都有類似課程，但科大跨學科多啲，所以一早想入科大。」陳晉登說，許多問題不是環保人士可解決，例如光污染問題日趨嚴重，「商場開燈開到不夜之城，冇呢個必要，大家要同商界協調，我讀呢科係跨學科，有社會學同商學，第日去公司做，搞環保會好啲。」
陳晉登坦言，曾為了搵錢問題，想將來做律師，但家人支持他依興趣選科，最終有此決定。令他想投入環保行列，是中二時看了美國前副總統戈爾的紀錄片《絕望真相》（AnInconvenientTruth），「志向係為地球出一分力，呢個自小留喺我心裏面。」他指全球暖化引發越來越多氣候災難，環保急不及待。
他近年過着環保生活，如中一開始用的手機，至中四才換，在科大宿舍內也參加環保組織，昨便呼籲宿生參加無冷氣日。