旅客限帶19支煙入境新例實施兩個月，網台OurRadio節目《北上頻道》有好多聽眾對苛政叫苦連天，主持阿Dick帶頭起義，號召煙民今晚帶20支煙過關迎國慶。
呢個壯舉暫時最少有廿幾個網民響應，阿Dick提醒有意參與呢個反「19政策」嘅網民，切記帶1,000元紙幣同埋回鄉證，今晚去羅湖過關，大家先在深圳集合買煙，返港時行紅色通道報關；由於多帶一支煙仔要交多1.2元稅款，佢哋用1,000蚊紙畀錢，即係海關要每人找錢998.8元。
如此對抗苛政，阿Dick話今次只係頭炮，不排除類似行動陸續有來，直至政府收回苛政為止。至於帶過關嘅煙仔，會送畀有需要長者，等佢哋唔使捱咁多貴煙。