整個9月，幾乎所有資產──金、股、滙、樓皆升，情況與去年3月後頗為相似，明顯是美國有意再度量化寬鬆所致。不過，當局早已放風今次規模不如上次，是故即使所注之資全數進入資產市場，升市亦將不如去年。再講，印銀紙是貨幣幻覺，效果可謂一鼓作氣、再而衰、三而竭，情況猶如日銀入市干預，第一次「係威係勢」跌300點，第二次（上周五午，如有的話）僅百五點，再來的話，應該無甚反應，分分鐘倒升。
今回美滙可跌到哪裏？圖一所見，76邊有相當強的支持，以時間計應是11月左右到達。以目前79計，即尚有4%跌幅。以此量度，歐元將可見1.41，英鎊則可見1.64，澳元可穿一算，而紐元則可試0.77。那金價呢？黃金對冲所有紙幣的貶值，計法不同。
逢調整 可吸金
滙呈周期，但金價長升長有，對數呈線性升勢。圖二所見，金價自05年起對數線性升勢斜率轉急，但至今未再加快，故說金價有泡言之尚早。
既然升勢凌厲兼無泡，怕甚麼呢？一於每逢調整便買入吧。看來，如有調整，1250美元料會守到，頂多1220美元。
羅家聰
交通銀行香港分行首席經濟及策略師
王良享、丁世民、溫灼培、羅家聰及黃元山專欄，將於周一至周五輪流刊出