金融市場係最能暴露人性的地方，只因利慾薰心，不知幾多人長期被貪婪蒙住雙眼。天下烏鴉一樣黑，近至我哋天天接觸嘅香港股市。
貫穿兩集相隔23年的《華爾街》電影首集與續集的關連所在，在同一位導演的拍攝手法與同一男角身上，把金融市場如何未有從歷史事件中吸取教訓表露無遺。不過最有興趣知道，本身從事金融行業之觀眾，在看過主角米高德格拉斯飾演從首集所飾演叱咤風雲之《華爾街》金融大鱷GordonGekko，到咗續集主打感情線坐完8年監重新企起身修補與女兒嘅關係，表達出親情戰勝一切的核心價值。
對人心之轉變，不知道是滿腹好奇抑或百思不解，也許更多是打從心底裏不期然凉咗一截，因有如照妖鏡般被同時照出了自己陰暗面。
「貪婪是好」GreedisGood係主角於第一集的經典名句。金融市場邊個搵到錢就係皇帝，貪婪是好在續集中更演變成貪婪是合法（GreedisLegal），首集CharlieSheen在電影中嘅父親，真係佢現實中嘅親生老竇MartinSheen，父子兵上陣，翻睇又是別有一番滋味。戲中佢老竇一樣有名句，凡事無捷徑「Therearenoshortcuts」。首集裏面兩位男主角以為自己活學活用孫子兵法戰略。米高飾演嘅Gekko用「兵者，詭道也」去合理化自己嘅所作所為，而CharlieSheen就用「強而避之、怒而撓之、勢均力敵，攻之，否則分兵，再重新評估」去部署攻防與進退之取捨。
聰明反被聰明誤
講還講，當事事太機關算盡，驀然回首，你可能也會如CharlieSheen般不禁要問自己一句「WhoamI？」好多人以為自己係內幕人，殊不知由始至終自己都係局外人。唔少人以為自己可以瞞天過海坤人入局，誰知螳螂捕蟬黃雀在後，聰明反被聰明誤，最終落得輸鑊甘。
胡孟青
作者為獨立股評人