女子足球喺近代已經好普及，但畢竟足球係一項需要好大氣力應付嘅運動，所以大部份女子足球員，都練到身形好健碩，難免會有一雙「甲組腳」。不過，現年21歲前武漢女足球員楊銘（圖），就天生麗質，唔單止冇「甲組腳」，個樣仲生得幾標緻㖭；於是佢毅然放棄足球員生涯，走去選美。佢初選時曾爆出笑料，話說當日佢着咗件碎花裙面試，但被評判揶揄着睡衣參賽；之不過佢最終憑靚樣喺超過1,000人嘅初選中過關，成為最後24強，殺入咗「武漢小組」總決賽，球場上司職前鋒嘅楊銘仲話好有信心贏出；之但係佢仍心繫足球，仲擔任武漢城運會女足隊的助理教練，現代女性果然係勁！