球員若然係表現差，就會被貶為後備或剔出大軍名單，球證都一樣。英超球證艾維爾喺上周六利物浦主場打和新特蘭2:2嗰場波，表現勁屎，先判古積特嘅爭議入球有效，之後又冇將向對手開踭嘅謝拉特趕出場，結果就俾英超聯賽會「叮走」，無緣喺本周末嘅英超執法。賽會本來安排咗艾維爾做熱刺主場對阿士東維拉嘅第4球證嘅，家佢可以唞吓喇。