花旗國會中期選舉日漸逼近，國會議員頻頻有動作，矛頭主要指向中國，兩國短期內貿易磨擦升級，不過呢啲情況過往都係重複發生，實際情況會唔會惡化，始終要睇選舉之後係點，短線嚟講，貿易爭拗好自然會成為影響股市嘅藉口。
港股噚日急回230點，局勢冇變，好友仲係掌握大局，恒指反覆上試23000關，係短期嘅方向。
旺旺C輪21812：中國旺旺（151）噚日收報7.22元，升2.3%。股價早排喺6.50元關前徘徊，幾日前異動推高，呢兩日成交顯著增加支持升勢，升破8元關好大機會推向8.80元嗰頭。
可以諗吓隻C輪21812，隻輪現價13.8仙，2011年5月25日到期，行使價6.88元，溢價14.4%，引伸波幅53.86%，槓桿率5.23倍（有效3.28倍），正股升上8.80元，21812睇25.1仙，升幅超過8成，幾吸引，正股跌穿6.70元就沽咗隻輪。
俊樺