對「咪神」莉爾莎列基美（圖右）嚟講，可能係唔開心嘅事，但對全球男士嚟講，就可能係天下喜訊，因為莉爾莎情變呀，而佢仲係輸畀個男人㖭！莉爾莎喺社交網頁《facebook》度講，佢個拍拖咗冇耐嘅設計師兼模特兒男朋友高基（圖左），竟背住自己偷食，而偷食嘅對象仲係男人，搞到莉爾莎好唔開心，話覺得自己原來係活在謊言嘅世界裏面。不過，唔開心還唔開心，莉爾莎為咗保持高嘅曝光率，最近就喺某節目上面教人用循環再造嘅方法，用啲舊衫、舊報紙同埋汽水罐等等，做出LadyGaGa嘅打扮，喺片中莉爾莎係唔係都做出個好享受嘅表情，咪話唔搞笑。