《葉問前傳》製片人兼世界詠春聯會副主席冼國林噚晚喺灣仔會展筵開25圍同女友羅寶兒結婚，有唔少圈中人到賀，當中包括黃伊汶、司馬燕、廖碧兒、林建名等，宴會門口佈置華麗，佢仲大手筆整咗兩個類似金像獎嘅銀像喺現場，不過呢個銀像就搞到一名疑似任職海關嘅朋友好尷尬，友人為免同翻版金像獎公仔影合照而拒絕行近，顯得好鬼避忌。